پشاور (این این آئی)پشاور میں دہشت گردی کے خدشے کے پیش نظر ریڈ زون میں 2ماہ کیلئے دفعہ 144نافذ کردی گئی، ضلعی انتظامیہ نے اعلامیہ جاری کردیا۔سیکیورٹی اداروں کی جانب سے خیبرپختونخوا کے دارالحکومت پشاور میں دہشت گردی کا خدشہ ظاہر کیا گیا ہے جس کے باعث ضلعی انتظامیہ نے ریڈ زون میں 2ماہ کیلئے دفعہ 144نافذ کردی۔نوٹیفکیشن کے مطابق گورنر ہائوس، وزیراعلی ہائوس، پولیس لائن، سول سیکرٹریٹ کے قریب حملے کا خدشہ ہے۔اعلامئے میں مذکورہ مقامات کے داخلی و خارجی راستوں پر سیکیورٹی سخت کرنے کی ہدایت کی گئی ہے۔