قاہرہ(این این آئی )مصر کی اسکندریہ گورنری ایک 10 منزلہ رہائشی عمارت کے ایک طرف جھکنے کے بعد حکام نے اسے خالی کرا لیا ہے۔خطرہ ہے کہ ایک طرف جھکی کثیر منزلہ عمارت کسی بھی وقت زمین بوس ہو سکتی ہے۔

میڈیارپورٹس کے مطابق حکام کو الجمرک کے پڑوس میں البان کےعلاقے میں ابن العربی اسٹریٹ پر واقع رئیل اسٹیٹ نمبر 19 میں ایک رہائشی عمارت کے جھکا اور اس کے گرنے کے خطرے کی ایک اطلاعی رپورٹ موصول ہوئی ہے۔اسکندریہ کے گورنر میجر جنرل محمد الشریف نے ضلع جمرک کے سربراہ اور ضلعی حکام کو فوری طور پر معائنہ کرنے اور ضروری کارروائی کرنے کی ہدایت کی۔معلوم ہوا کہ یہ پراپرٹی ایک گرائونڈ فلور اور نو منزلوں پر مشتمل ہے جس میں کھڑی ڈھلوان ہے اور اس کے لیے نویں سے تیسری منزل کو ہٹانے کا فیصلہ جاری کیا گیا تھا۔حکام نے رہائشیوں سے عمارت کو فوری طور پر خالی کرنے کا فیصلہ کیا تاکہ ان کی زندگیوں کو محفوظ رکھا جا سکے، اور تمام قانونی اقدامات کیے جائیں جبکہ عمارت کے ارد گرد لوہے کی رکاوٹیں لگائی گئی ہیں۔واقعے کی ضروری رپورٹ جاری کر دی گئی ہے اور پبلک پراسیکیوشن آفس کو مطلع کیا گیا، جس نے عمارت کے مالک اور محلے کے اہلکاروں کو طلب کیا ہے تاکہ مالک کی جانب سے مقررہ بلڈنگ پرمٹ کی عدم تعمیل اور اس پر عمل درآمد نہ کرنے کی وجہ معلوم کی جا سکے۔