افغانستان کیخلاف ٹی 20 سیریز میں شکست، شاہد آفریدی کا ردعمل سامنے آگیا

لاہور ( این این آئی) پاکستان کرکٹ ٹیم کے سابق کپتان شاہد آفریدی نے افغانستان کے ہاتھوں شکست کے بعد نوجوانوں کے ساتھ سینئر کھلاڑیوں کو بھی ٹیم میں شامل کرنے کا مشورہ دے دیا۔سماجی رابطے کی ویب سائٹ ٹوئٹر پر جاری کیے گئے بیان میںشاہد آفریدی نے کہاکہ پاکستان کرکٹ بورڈ (پی سی بی)نے نوجوان کھلاڑیوں کو موقع دے کر اچھا اقدام اٹھایاہے۔تاہم نوجوان کھلاڑیوں کے ساتھ فیلڈ میں سینئرز کھلاڑیوں کو بھی ہونا چاہیے تھا تا کہ نوجوان ان سے تجربہ حاصل کرتے۔ شاہد آفریدی نے افغانستان کرکٹ ٹیم کو سیریز جیتنے پر مبارک باد دی اور کہاکہ راشد خان نے ہمیشہ کی طرح بہترین کارکردگی کا مظاہرہ کیا۔واضح رہے کہ افغانستان نے اتوار کو 3 میچز پر مشتمل سیریز کے کھیلے گئے دوسرے میچ میں پاکستان کو 7 وکٹوں سے شکست دیکر سیریز میں 0-2 کی فیصلہ کن برتری حاصل کرلی۔افغانستان نے پاکستان کے خلاف پہلی مرتبہ انٹرنیشنل سیریز میں فتح حاصل کی ہے۔