لاہور ( این این آئی) پنجاب حکومت نے سول سروس سے منسلک افسران کی تاریخ پیدائش تبدیلی پر پابندی لگا دی ۔محکمہ سروس ایند جنرل ایڈمنسٹریشن ڈیپارٹمنٹ کی جانب سے جاری مراسلے کے مطابق اب سول افسران دوران سروس تاریخ پیدائش تبدیل نہیں کروا سکیں گے۔سول سروس جوائن کرتے ہوئے جوائننگ دستاویزات میں دی گئی تاریخ پیدائیش ہی درست مانی جائے گی۔مراسلہ میں کہا گیا کہ افسران دوران سروس شناختی کارڈ میں تاریخ پیدائش میں تبدیلی نہیں کروا سکیں گے۔اس اہم فیصلہ سے متعلق محکمہ ایس اینڈ جی اے ڈی نے متعلقہ محکموں کو مراسلہ ارسال کردیا ۔یاد رہے کہ سابق سی سی پی او لاہور غلام محمود ڈوگر نے 3سال مزید عہدے پر رہنے کے لئے تاریخ پیدائش میں تبدیلی کی درخواست دی۔غلام محمود ڈوگر 1963ء سے 1965ء تاریخ پیدائش تبدیل کروانا چاہتے تھے جیسے فیڈرل سروس ٹربیونل نے سخت اعتراضات اٹھا کر مسترد کردیا۔