کراچی (این این آئی) پاکستان شوبز انڈسٹری کے معروف اداکار و گلوکار فرحان سعید نے ایئر پورٹ پر پیش آنے والی ایک ناخوش گوار کہانی مداحوں کو سنائی ہے۔فرحان سعید نے ٹوئٹر پر اپنے ساتھ ایئر پورٹ پر پیش آنے والا ایک مختصر واقعہ بیان کیا ہے۔
انہوں نے اپنے ٹوئٹ میں لکھا ہے کہ آج جب میری فلائٹ لینڈ ہوئی تو سب لوگ اوور ہیڈ کمپارٹمنٹ سے اپنا سامان لینے کیلئے اٹھے تو صرف یہ ظاہر کرنے کیلئے کہ میں ایک بااخلاق اور شریف آدمی ہوں میں نے ایک خاتون کو مدد کی پیشکش کی حالانکہ انہیں میری مدد کی ضرورت بھی نہیں تھی۔فرحان سعید نے نے دکھ کا اظہار کرتے ہوئے لکھا ہے کہ میں نے خاتون کا بیگ کمپارٹمنٹ سے نکالا اور گرا دیامختصر مگر شرمندگی سے بھرپور کہانی۔اب فرحان سعید کے اس ٹوئٹ پر صارفین کی جانب سے دلچسپ تبصروں کا سلسلہ جاری ہے۔کچھ صارفین کی جانب سے اداکار کے اس اقدام پر ناپسندیدگی کا اظہار کیا جبکہ کچھ صارفین نے اپنی زندگی میں پیش آنے والے ایسے لمحات شیئر کرنا شروع کر دیئے ہیں جب انہیں بھی اسی طرح کی شرمندگی کا سامنا کرنا پڑا تھا۔بہت سے صارفین نے خاتون کی مدد کرنے کی کوشش کرنے کے عمل کو سراہا اور فرحان سعید کو اس تجربے پر شرمندگی محسوس نہ کرنے کا مشورہ دیا۔
