- کوئٹہ (این این آئی)نمائشی میچ میں افتخار احمد کے ہاتھوں 6 چھکے کھانے والے وہاب ریاض نے کہا ہے کہ یہ بھی بڑے حوصلے کی بات ہے۔اکبر بگٹی کرکٹ اسٹیڈیم کوئٹہ میں پی ایس ایل کی دوفرنچائزز کوئٹہ گلیڈی ایٹرز اور پشاور زلمی کے درمیان دوستانہ میچ کھیلا گیا۔میچ میں کوئٹہ گلیڈی ایٹرز نے پشاورزلمی کو 3 رنز سے ہرادیا۔
کوئٹہ گلیڈی ایٹرز کی اننگز کی خاص بات افتخار احمد کے 50 گیندوں پر 94 رنز بنائے جس میں وہاب ریاض کو ایک ہی اوور میں چھ چھکے بھی شامل تھے۔پی سی بی نے ایک ویڈیو جاری ہے جس میں میچ کے بعد وہاب ریاض، عمر اکمل اور افتخار احمد خوشگوار انداز میں باتیں کررہے ہیں۔گفتگو کے دوران وہاب ریاض اور عمر اکمل دونوں ہی افتخار احمد کے ایک ہی اوور میں چھ چھکوں کی تعریف کرتے ہیں۔اسی دوران وہاب ریاض کہتے ہیں کہ افتخار نے جو پرپل پہنا ہوا ہے یہ پی ایس ایل میں نہیں چلے گا۔سینئر فاسٹ بولر نے کہا کہ انہیں پڑنے والے دوچھکے بڑے زبردست مارے گئے۔وہاب ریاض نے مزید کہا کہ چھ چھکے مارنا بڑی بات ہے اور کھانا بھی حوصلے کی بات ہے۔ واضح رہے کہ پاکستان سپر لیگ کے 8 ویں ایڈیشن کے نمائشی میچ میں افتخار احمد نے وہاب ریاض کے آخری اوور میں مسلسل 6 چھکے لگا کر شائقین کی دل جیت لیے۔کوئٹہ کے بگٹی اسٹیڈیم میں نمائشی میچ میں پشاور زلمی کے کپتان بابر اعظم نے ٹاس جیت کر فیلڈنگ کا فیصلہ کیا۔کوئٹہ گلیڈی ایٹرز نے پشاور زلمی کو جیت کے لیے 185 رنز کا ہدف دیا، میچ کے دوران کوئٹہ کے افتخار احمد نے شاندار ففٹی اسکور کرتے ہوئے وہاب ریاض کی 6 گیندوں پر 6 چھکے جڑ دیے۔
