لاہور ( آن لائن ) سابق وزیراعظم و پاکستان تحریک انصاف کے چیئرمین عمران خان نے خواتین ارکان پنجاب اسمبلی سے لاہور میں ملاقات کی جس میں پنجاب میں عدم اعتماد کی تحریک پر بات چیت کی گئی ۔ذرائع کے مطابق ملاقات میں خواتین ارکان نے الزام لگایا کہ ہمیں پیسوں اور ہمیں محفوظ مقام پر منتقل کرنے کی بھی پیشکش کی جارہی ہے۔خواتین ارکان کا کہنا تھاکہ ہمیں لالچ دیا جارہا ہے کہ آپ کو مستقبل میں ٹکٹ دیں گے۔ جس پر عمران خان نے مسکراتے ہوئے جواب دیا کہ آپ ان سے پیسے لے لیں اور اپنے پاس رکھیں، آپ نظریے کے ساتھ رہیں اور ان کی آفرز کو انجوائے کریں۔ذرائع کا کہنا ہے کہ عمران خان نے اجلاس میں مونس الٰہی کی تعریف کی اور کہا کہ وہ ہمارے ساتھ ہیں بہت اچھا کام کر رہے ہیں۔