کراچی(این این آئی)قومی کرکٹ ٹیم کے سابق کپتان سرفراز احمد کی جانب سے گھر میں دیئے گئے عشائیے میں بابراعظم نے شرکت نہیں کی۔ذرائع نے بتایاہے کہ کپتان بابراعظم نے نجی مصروفیات کی وجہ سے لاہور جانے کی پہلے سے اجازت لے رکھی تھی، سرفرزر احمد نے کراچی میں موجود قومی ٹیم ارکان کو گھر پر ڈنر دیا۔وکٹ کیپر بیٹر کی جانب سے مختلف ذائقہ دار ڈشز سے مہمانوں کی تواضع کی گئی، شاندار میزبانی پر کھلاڑیوں نے سابق کپتان کا شکریہ ادا کیا۔اس موقع پر سرفراز احمد نے کہاکہ وہ گھر آمد اور دعوت قبول کرنے پر سب دوستوں اور ساتھیوں کے مشکور ہیں۔