لاہور (آن لائن) صوبائی دارالحکومت لاہور کی اوپن مارکیٹ میں مہنگائی کا ایک نیا طوفان کھڑا ہو گیا جس کے نتیجے میں چینی سمیت 15 کلو آٹے کے تھیلے کی قیمت میں مزید اضافہ کر دیا گیا۔ بتایا گیا ہے کہ اوپن مارکیٹ میں 15 کلو آٹے کے تھیلے کی قیمت میں 49 روپے کا اضافہ کیا گیا ہے۔ آٹے کے تھیلے کی قیمت بڑھ کر 1699 روپے ہو گئی ہے۔دوسری جانب اسلام آباد میں 15 کلو آٹے کا تھیلہ 1800 میں فروخت ہو رہا ہے، اسی طرح عام منڈیوں میں چینی کے 50 کلو تھیلے کی قیمت میں 20 روپے کا اضافہ دیکھنے میں آیا ہے جس کے بعد پرچون کی سطح پر چینی کی قیمت 97 روپے فی کلو تک پہنچ گئی ہے۔