لاہور (این این آئی) محکمہ خزانہ نے فنڈز نہ ہونے کی وجہ سے تمام محکموں کی سمریاں واپس بھجوانا شروع کر دیں۔ذرائع کے مطابق خزانہ خالی ہونے کی وجہ سے محکمہ خزانہ کی جانب سے محکموں کی سمریاں منظور نہیں کی جا رہیں۔ محکمہ خزانہ نے محکموں کی تمام نئی سکیموں کی سمریاں بھی واپس کرنا شروع کر دی ہیں۔جبکہ مختلف محکموں کو اپنے ذرائع سے ریونیو خرچ کرنے کی بھی ہدایت کی جا رہی ہے۔ ذرائع کے مطابق محکمہ خزانہ ایل ڈی اے کی کوئی بھی سمری منظور نہیں کر رہا اور نئے فلائی اوور اورانڈر پاسز بنانے کی سمریاں واپس کرنا شروع کر دی ہیں۔ محکمہ خزانہ نے ایل ڈی اے کو انڈر پاس اور فلائی اوور بنانے کیلئے فنڈز جاری نہ کرنے کا فیصلہ کیا ہے۔

موضوعات:محکمہ خزانہ