اسلام آباد ( آن لائن ) الیکشن کمیشن نے آئندہ عام انتخابات کیلئے تیاریاں شروع کر د ی ہیں جبکہ بیلٹ پیپرز کی تیاریوں کے سلسلے میں خصوصی فیچرز پر مبنی بیلٹ پیپرز استعمال کرنے کا فیصلہ کیا ہے ۔ذرائع الیکشن کمیشن کے مطابق آئندہ عام انتخابات میں الیکشن کمیشن نے خصوصی فیچرز پر مبنی بیلٹ پیپرز استعمال کرنے کا فیصلہ کرتے ہوئے واٹر مارک بیلٹ پیپرز کے لئے کاغذ حاصل کر لیا گیا ہے اورعام انتخابات میں واٹر مارک بیلٹ پیپرز کا استعمال کیا جائے گا گزشتہ عام انتخابات میں 22کروڑ بیلٹ پیپرز چھاپے گئے تھے، عام انتخابات کے لیے چوبیس کروڑ بیلٹ پیپرز چھاپنے کا امکان ہے ۔ ذرائع کا مزید کہنا تھا کہ ملک میں رجسٹرڈ ووٹرز کی تعداد 12 کروڑ 21 لاکھ سے زائد ہے جبکہ گزشتہ عام انتخابات میں ووٹرز کی تعداد 11 کروڑ 82لاکھ تھی۔