اسلام آباد (این این آئی) آذر بائیجان کے صدر الہام علیوف نے پاکستانیوں کے دل جیت لئے، ان کا کہنا تھا کہ جب ہمارے برادر ملک پاکستان سے ہمیں اعلیٰ معیار کا چاول مل سکتا ہے تو ہم کسی اور سے چاول کیوں لیں۔ واضح رہے کہ برادر اسلامی ملک آذر بائیجان نے پاکستان کیلئے چاول کی درآمد پر عائد ڈیوئی ختم کردی۔آذربائیجان حکومت کی جانب سے نوٹیفکیشن جاری کردیا گیا جس کے مطابق چاول کی درآمد پر 5 سال کیلئے ڈیوٹی کی چھوٹ دی گئی ہے۔آذر بائیجان پاکستان سے چاول کی درآمد کو بڑھائے گا اور آذر بائیجان نے پاکستان کو فیصلے سے آگاہ کر دیا۔