لاہور( این این آئی)معروف ادیب، سیاح، سفر نامہ نگار اور دانشور مستنصر حسین تارڑ کو دل کے عارضے کے باعث پنجاب انسٹی ٹیوٹ آف کارڈیالوجی میں داخل کرایا گیا جہاں ڈاکٹروں نے انہیں پیس میکر لگا دیا ہے۔کارڈیالوجی انسٹی ٹیوٹ کی انتظامیہ کے مطابق مستنصر حسین تارڑ کو ایکسٹرنل پیس میکر لگانے کے بعد سی سی یو میں منتقل کردیا گیا ہے۔ترجمان وزیراعلی و پنجاب حکومت مسرت جمشید چیمہ نے اپنے بیان میں کہا کہ رب کریم مستنصر حسین تارڑ کو جلد صحت کاملہ عطا فرمائے۔مستنصر حسین اردو ادب اور سفر نامہ نگاری میں اپنا منفرد مقام رکھتے ہیں۔ہم معروف ادیب کیلئے رب تعالی کے حضور جلد صحتیابی کیلئے دعا گو ہیں۔