نیویارک(این این آئی)انسٹاگرام ان تکنیکی وجوہات کا جائزہ لے رہا ہے جن کی وجہ سے اس کے ہزاروں صارفین کو فوٹو شیئرنگ پلیٹ فارم تک رسائی میں مشکل پیش آ رہی ہے کیونکہ ان میں سے بہت سے لوگوں نے شکایت کی کہ ان کے اکانٹس معطل کر دیے گئے ہیں۔

میٹا پلیٹ فارمز کی ملکیت والے انسٹاگرام نے پیر 31 اکتوبر کو اپنے ٹویٹر اکانٹ پر کہا کہ “ہم سمجھتے ہیں کہ آپ میں سے کچھ کو آپ کے انسٹاگرام اکانٹ تک رسائی حاصل کرنے میں دشواری ہو رہی ہے، ہم اس کا جائزہ لے رہے ہیں اور زحمت کے لیے معذرت خواہ ہیں۔انسٹاگرام کے ترجمان نے اکانٹس کی معطلی پر کوئی تبصرہ نہیں کیا۔پلیٹ فارم کے متعدد صارفین نے “ٹویٹر” پر لکھا کہ “انسٹا گرام” نے ان سے معطل اکانٹس تک رسائی کے لیے ای میل اور فون نمبر طلب کیا۔اس بندش نے صارفین کی بہت بڑی تعداد کو متاثر کیا ہو سکتا ہیدرجنوں صارفین نے سوشل میڈیا پوسٹس میں تصدیق کی کہ وہ اپنے انسٹاگرام اکانٹس استعمال کرنے سے قاصر ہیں یا انہیں ایسے پیغامات موصول ہوئے ہیں جن سے یہ ظاہر ہوتا ہے کہ ان کے اکانٹس معطل کر دیے گئے ہیں۔بائیس ستمبر کو اسی طرح کی ایک خرابی ریکارڈ کی گئی تھی اور “انسٹاگرام” نے اس کے پیش آنے پر کوئی وضاحت شائع نہیں کی تھی۔”انسٹاگرام” سروس کی بندش “میٹا” کمپنی کی “واٹس ایپ” ایپلی کیشن کی ناکامی کے ایک ہفتے سے بھی کم وقت کے بعد آئی ہے جس نے گذشتہ منگل کو اربوں صارفین کو متاثر کیا۔