اسلام آباد (مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی حامد میر نےانکشاف کیا کہ 2018 کے جنرل الیکشن سے قبل میں نے عمران خان کا انٹرویو کیا تھا ، جس میں انہوں نے نواز شریف پر بڑی تنقید کی تھی ، انہوں نے یہ بھی کہا تھا کہ نواز شریف
کو جنرل جیلانی لے کر آیا تھا اور نواز شریف فوج کی پیدا وار ہے۔اس انٹرویو کے بعداسی رات مجھے جنرل قمر جاوید باجوہ نے آرمی ہاؤس بلایا تھا، وہاں ایک اور صاحب بھی موجود تھے اور وہ میرے سامنے جنرل قمر جاوید باجوہ کو متنبہ کر رہے تھے اور کہہ رہے تھے کہ جنرل صاحب آپ عمران خان کو لانا چاہ رہے ہیں ،میں آپ کو عمران خان کے بارے میں ابھی سے پیشگوئی کر رہا ہوں کہ یہ آپ کو وہاں مارے گا جہاں پانی بھی نہیں ملے گا،ساتھ ہی حامد میر مسکرائے۔حامد میر کے مطابق ملاقات میں موجود تیسرے شخص نے بڑی لمبی گفتگو کی تھی، تو بہت سے لوگوں نے جنرل قمر جاوید باجوہ کو اس وقت بھی کہا تھا ، تو آ ج اگر عمران خان ڈی جی آئی ایس آئی کا نام لیکر تنقید کا نشانہ بنا رہے ہیں، تو یہ میرے لیے نئی بات نہیں ہے یہ پہلے سے ہی توقع تھی ۔
۔ @HamidMirPAKمجھے 2018 میں جنرل باجوہ نے آرمی ہاوس بلایا وہاں ایک اور صاحب بھی تھے جو جنرل باجوہ کو کہہ رہے تھے آپ عمران خان کو وزیراعظم بنانے لگے ہیں یہ آپ کو وہاں مارے گا جہاں آپ کو پانی بھی نہیں ملے گا#خونی_مارچ pic.twitter.com/TdMPDQ995A
— Cʜ ?ᴅɴᴀɴ ?ᴀʀᴡᴀʀ ?ɪᴀʟᴠɪ (@AdnanSialvi) October 28, 2022
