لاہور(این این آئی)قومی کرکٹ ٹیم کے سابق کپتان وسیم اکرم کی زمبابوے سے شکست کے بعد ایک ویڈیو سوشل میڈیا پر وائرل ہوگئی۔نجی ٹی وی چینل سے گفتگو کرتے ہوئے سابق فاسٹ بولر وسیم اکرم نے کہا کہ ’’شعیب ملک میرے سامنے بیٹھے ہیں بطور کپتان میرا ٹارگٹ ورلڈکپ جیتنا ہے، اس کیلئے اگر مجھے گدھے کو بھی باپ بنانا پڑتا تو بنالیتا کیونکہ میرا الو سیدھا ہونا چاہیے۔انہوں نے کہا کہ اگر مجھے شیعب ملک ٹیم میں چاہیئے ہے تو میں کہوں چیف سلیکٹر اور چئیرمین کو ورنہ کپتانی سے انکار کردوں گا، پاکستان محلے کی ٹیم نہیں ہے کہ میرا دوست کھیلے یا میرا کوئی جاننے والا آجائے۔