میلبرن (آن لائن )مشن ورلڈ کپ کے لیے آسٹریلیا میں موجود پاکستان کرکٹ ٹیم بھرپور تیاریوں میں مصروف ہے۔بابر سکواڈ میں شامل تمام کھلاڑی ورلڈ کپ کے میچز کو لے کر بیٹنگ، بولنگ اور فیلڈنگ کی خوب تیاریاں کر رہے ہیں۔نیٹ پریکٹس کے دوران بھی پاکستانی فاسٹ بولرز بھرپور جوش دکھا رہے ہیں جس سے ساتھی بیٹرز پریشان دکھائی دے رہے ہیں۔ٹی ٹوئنٹی فارمیٹ میں دنیا کے نمبر ون بیٹر محمد رضوان پریکٹس کے دوران نسیم شاہ کی تیز رفتار گیند کا سامنا نہ کرسکے اور کلین بولڈ ہوگئے۔اس دوران پاکستانی پیسر نسیم شاہ کی بولنگ کو دیکھ کر وہاں موجود شائقین نے بھی انکی خوب تعریف کی۔واضح رہے کہ ٹی ٹوئنٹی ورلڈ کپ میں اتوار کو پاکستان اور بھارت کا مقابلہ میلبرن میں شیڈول ہے۔