کراچی (این این آئی)الیکشن کمیشن آف پاکستان کی جانب سے پی ٹی آئی کے چیئرمین عمران خان کو توشہ خانہ کیس میں نا اہل قرار دیئے جانے پر
سوشل میڈیا پر زبردست بحث شروع ہوگئی۔عمران خان کی نااہلی پر جہاں اہم سیاسی و سماجی شخصیات نے اپنے خیالات کا اظہار کیا، وہیں شوبز، میوزک اور آرٹ سے وابستہ شخصیات نے بھی اپنا رد عمل دیتے ہوئے فیصلے پر تعجب کا اظہار کیا۔
سینئر اداکارہ و میزبان ثمینہ پیرزادہ نے الیکشن کمیشن کے فیصلے پر تعجب کا اظہار کرتے ہوئے صرف اتنا لکھا کہ کیا مذاق ہے۔
گلوکار و اداکار ہارون شاہد نے بھی فیصلے پر رد عمل دیتے ہوئے مسلم لیگ (ن)کی رہنماء حنا پرویز بٹ کی ٹوئٹ کو ری ٹوئٹ کرتے ہوئے لکھاکہ
دی لیجنڈ آف میو نا بٹ پارٹ تھری جلد ریلیز ہوگا۔سینئر اداکار شان شاہد نے بھی فیصلے پر رد عمل دیتے ہوئے عمران خان کی تصویر شیئر کرتے ہوئے انہیں قوم کی آواز قرار دیا۔
