اسلام آباد (این این آئی)ڈسٹرکٹ سیشن کورٹ نے سارہ انعام کے قتل میں ملوث ملزمہ ثمینہ شاہ کا دو روزہ جسمانی ریمانڈ منظور کرلیا ۔ جمعرات کو ملزمہ کو پولیس نے سینئر سول جج محمد عامر عزیر کی عدالت میں پیش کیا گیا۔ تفتیشی افسر نے کہاکہ

اس ملزمہ کو گزشتہ روز ضمانت خارج ہونے پر گرفتار کیا گیا۔جج نے تفتیشی افسر سے استفسار کیا کہ کیا آپ نے اس مقدمہ کا چالان جمع کرا دیا ہے۔ عدالت نے کہاکہ چودہ دن کا وقت گزر چکا ابھی تک آپ نے چالان جمع نہیں کرایا۔تفتیشی افسر نے کہاکہ چالان بن چکا ہے ، آج جمع کرا دیا جائیگا۔ استدعا کی گئی کہ ملزمہ سے لاکٹ برآمد کرنا ہے پانچ روزہ جسمانی ریمانڈ منظور کیا جائے۔ وکیل ملزمہ ارسل امجد ہاشمی نے کہاکہ ثمینہ شاہ پہلے دن سے ہی پولیس کے ساتھ تعاون کر رہی ہے، ثمینہ شاہ نے خود اپنے بیٹے کو گرفتار کرایا۔وکیل ملزمہ نے کہاکہ ہمارے پر 109 کی دفعہ لگائی ہے اس متعلق پولیس بتا دے کس جگہ مشورہ ہوا۔وکیل ملزمہ نے استدعا کی کہ ثمینہ شاہ کو جوڈیشل ریمانڈ پر جیل بھیجا جائے، عدالت نے ملزمہ کا دو روزہ جسمانی ریمانڈ منظور کر لیا