پشاور(این این آئی)بی آرٹی پشاور نے شہر میں5 نئے روٹس فعال کرنے کا اعلان کر دیا۔ترجمان ٹرانس پشاورصدف کامل کے مطابق نئے روٹس میں شاہ عالم تا ملک سعد چارسدہ روڈ ایکسپریس روٹ، چمکنی تا ملک سعد براستہ رنگ روڈ، پبی تا ملک سعد براستہ چمکنی، مال آف حیات آباد تا فیز 6

براستہ فیز 1 اور ریگی ماڈل ٹاون تا امن چوک شامل ہیں۔ترجمان ٹرانس پشاور نے کہا ہے کہ شاہ عالم تا مال آف حیات آباد ایکسپریس روٹ فعال کیا جائے گا جس سے موجودہ رش میں بھی بہت حد تک کمی ہو گی۔ فیز 6 ٹرمینل سے مال آف حیات آباد تک کے روٹ میں 16 سٹاپس شامل کئے گئے ہیں۔چمکنی تا ملک سعد شہید براستہ رنگ روڈ روٹ 19 سٹاپس پر مشتمل ہو گا۔ پبی روٹ سے ملک سعد شہید کا روٹ 23 کلو میٹر پر مشتمل ہے جس میں 16 سٹاپ شامل ہوں گے۔ نئے روٹس میں ریگی ماڈل ٹاون سے تہکال پایاں کا روٹ 12کلو میٹر کا ہے جس میں 15 سٹاپس شامل ہیں۔ترجمان ٹرانس پشاور صدف کامل کا کہنا ہے کہ نئے روٹس کے اجرا سے مزید شہریوں کو بی آر ٹی سروس سے بہتر طور پر مستفید ہونے کا موقع ملے گااور شہروں کو سفری سہولیات میں آسانیاں میسر ہوگی ۔ ترجمان ٹرانس پشاورصدف کامل کے مطابق نئے روٹس میں شاہ عالم تا ملک سعد چارسدہ روڈ ایکسپریس روٹ، چمکنی تا ملک سعد براستہ رنگ روڈ، پبی تا ملک سعد براستہ چمکنی، مال آف حیات آباد تا فیز 6 براستہ فیز 1 اور ریگی ماڈل ٹاون تا امن چوک شامل ہیں۔