لندن (این این آئی )پچھلے کچھ سالوں میں یہ نظریہ کہ روزانہ 10,000 قدم چلنا صحت اور وزن میں کمی کی کلید ہے۔برطانوی اخبار کے مطابق دس ہزار قدم چلنا درحقیقت وزن میں اضافے کو نہیں روک سکے گا اور نہ ہی وزن میں کمی کا باعث بنے گا۔ ایک حالیہ مطالعہ پائیدار جسمانی سرگرمی کے لئے ایک نیا فائدہ ظاہر کرتا ہے۔برگھم ینگ یونیورسٹی کے شعبہ ورزش سائنس کے محققین نے
ڈائیٹیٹکس اور فوڈ سائنسز کے شعبہ کے ماہرین کے ساتھ مل کر یونیورسٹی میں نئے افراد کے ایک گروپ پر ایک مطالعہ کیا۔کالج کے پہلے چھ مہینوں کے دوران 120 طالبات کے ڈیٹا کا تجزیہ کیا گیا جنہوں نے مرحلہ وار گنتی کے تجربے میں حصہ لیا، جو 10,000، 12,500 یا 15,000 قدم فی دن، ہفتے میں 6 دن وہ ملسل 24 ہفتوں تک چلتی رہیں۔اعداد و شمار میں طالبات کے قدموں اور کیلوریز کی تعداد اور ان کا وزن بھی شامل تھا۔محققین نے دریافت کیا کہ چلے گئے قدموں کی تعداد مطالعہ میں خواتین طالب علموں کو زیادہ وزن حاصل کرنے سے نہیں روک سکی، یہاں تک کہ شرکا میں سے جو روزانہ 15,000 قدم چلتی ہیں۔مطالعہ کی مدت کے اختتام پر یہ بھی پایا گیا کہ طالبات نے اوسطا 1.5 کلو گرام کا وزن بڑھایا، جو کہ اضافی وزن ہے جو عام طور پر یونیورسٹی میں پہلے سال کے طالب علموں کے دوران حاصل کیا جاتا ہے۔جب کہ محققین نے لکھا ہے کہ قدموں کی تعداد کے لحاظ سے شرکا میں وزن میں کمی کا نہ ہونا ایک حیران کن نتیجہ ہے۔
کیونکہ جسمانی سرگرمیاں ہر قدم کے ساتھ بتدریج بڑھتی ہیں اور اس کے نتیجے میں توانائی کھپت میں اضافہ ہوتا ہے اور جسم کی توانائی کے توازن میں تبدیلی آتی ہے۔تحقیق کیدوران برِگھم ینگ یونیورسٹی کے فزیکل ایکسرسائز سائنسز کے پروفیسر بروس بیلی نے یہ نتیجہ اخذ کیا کہ اکیلی ورزش وزن کم کرنے کا ہمیشہ سب سے موثر طریقہ نہیں ہے۔
لیکن مطالعہ کے نتائج سے پتہ چلتا ہے کہ قدموں کی تعداد وزن کو برقرار رکھنے یا وزن میں اضافے کو روکنے میں موثر ذریعہ نہیں ہوسکتی۔تاہم محققین نے نوٹ کیا کہ زیادہ قدم چلنے کا مطلب طلبا کے “جسمانی سرگرمی کے نمونوں” پر مجموعی طور پر مثبت اثر پڑتا ہے اور “دیگر اخلاقی اور صحت کے فوائد” بھی ہو سکتے ہیں۔بیلی نے نتیجہ اخذ کیا کہ زیادہ قدم چلنے کی سفارشات کا سب سے بڑا فائدہ یہ ہے کہ وہ بیٹھے رہنے کے طرز زندگی سے باہر نکلیں۔
