راولپنڈی (این این آئی)عوامی مسلم لیگ کے سربراہ شیخ رشید احمد نے کہا ہے کہ ڈیل مکمل ہوگئی، کیس ختم ہو گئے، صرف انتخاب سے بھاگنا ہے جو ممکن نہیں ہے۔سابق وزیر داخلہ شیخ رشید احمد نے سوشل میڈیا پر حالیہ سیاسی صورتحال پر اپنے بیان میں کہاکہ ڈیل مکمل ہوگئی، کیس ختم ہو گئے، صرف انتخاب سے بھاگنا ہے جو ممکن نہیں، ڈار اور مفتاح ایک دوسرے کو طعنے دے رہے ہیں اور عوام ماری گئی ہے۔انہوں نے کہا کہ مودی کی ریٹنگ کم ہو گئی، 24 اکتوبر کو نیب کو بتائوں گا نواز شریف نے بلڈنگ ون ہائیڈپارک 47.5 ملین پانڈ میں بیچی جس سے برٹش این سی اے (NCA) خریدار کے خلاف ایکٹو ہو گیا اور سپریم کورٹ کو مداخلت کرنی پڑی۔