واشنگٹن (آن لائن) امریکا نے ایران کے خلاف نئی پابندیوں کا اعلان کردیا ہے۔ غیر ملکی خبر رساں ادارے کے مطابق امریکی وزارت خزانہ کی جانب سے ایرانی وزیر داخلہ اور وزیر مواصلات پر پابندی لگائی گئی ہے۔امریکی وزارت خزانہ کی جانب سے عائد پابندیوں میں دیگر ایرانی شخصیات بھی شامل ہیں، پابندیاں ایرانی مظاہرین کے خلاف کریک ڈاؤن پر لگائی گئی ہیں۔ امریکی وزارت خزانہ کی جانب سے جاری بیان میں کہا گیا ہے کہ بندیوں میں شامل افراد کے امریکا میں موجود اثاثے ضبط ہوں گے، پابندیوں میں شامل افراد امریکی کمپنیوں سے کاروبار نہیں کرسکیں گے۔ دوسری جانب انسانی حقوق گروپ کا کہنا ہے کہ ایران میں مظاہرین کے خلاف کریک ڈاؤن میں اب تک 133 افراد ہلاک ہو چکے ہیں۔