میڈرڈ(این این آئی)ٹینس کی دنیا میں راج کرنے والے اسپین راجر فیڈر نے اپنا آخری میچ کھیل کر میدان سے دوری اختیار کرلی۔راجر فیڈر کے آخری میچ کے بعد رافیل نڈال بھی فرط جذبات پر قابو نہ رکھ سکے اور گرائونڈ میں ان کے ساتھ بیٹھ کر اشکبار ہوئے۔

ساتھی کھلاڑی کی آنکھوں میں آنسو دیکھ کر راجر فیڈر بھی رو دئیے اور وہ اسی حالت میں کورٹ سے رخصت ہوئے۔میچ کے اختتام پر بات کرتے ہوئے فیڈرر نے کہاکہ یہ ایک شاندار دن رہا میں خوش ہوں۔راجر فیڈر نے اپنے کیریئر کے دوران بیس گرینڈ سلم ٹائٹل جیتے ،وہ آخری بار لیور کپ کھیلتے ہوئے نظر آئے۔لیور کپ میں رافیل نڈال اور راجر کی جوڑی تھی جس نے ٹجان سوک اور فرانسس ٹیافو کو شکست دے کر ایونٹ اپنے نام کیا۔دوسری جانبپاکستان کرکٹ ٹیم کے کپتان بابر اعظم نے بھی راجر فیڈرر کو خراج تحسین پیش کیا ہے ۔تفصیلات کے مطابق دنیائے ٹینس پر راج کرنے والے راجر فیڈر نے ٹینس کو الودع کہہ دیا، آخری میچ کے بعد ان کے ساتھی کھلاڑی رافیل نڈال بھی رو پڑے، فیڈرر نم آنکھوں کیساتھ کورٹ سے رخصت ہوئے۔پاکستان کرکٹ ٹیم کے کپتان بابر اعظم نے بھی راجر فیڈرر کو خراج تحسین پیش کرتے ہوئے ٹوئٹ کی ہے۔بابر نے اپنی ٹوئٹ میں کہا کہ عظیم شخصیت، اپنی مثال آپ، ہیپی ریٹائرمنٹ، آپ واقعی لیجنڈ ہیں راجر فیڈرر۔