اسلام آباد (نیوز ایجنسیاں ) پبلک اکائونٹس کمیٹی نے سپریم کورٹ کے رجسٹرار کی جانب سے ڈیم فنڈ کی تفصیل آڈٹ حکام کو فراہم نہ کرنے پر برہمی کا اظہار کرتے ہوئے رجسٹرار سپریم کورٹ کو خط لکھنے کا فیصلہ کیا ہے۔پبلک اکائونٹس کمیٹی نے کہا کہ سابق چیف جسٹس ثاقب نثار کو استثنیٰ حاصل نہیں۔

اجلاس میں پیش ہوں، کمیٹی نے حالیہ سیلاب سے متاثرہ چھوٹے اور بڑے ڈیمز کی مرمت اور بحالی کا کام جلد از جلد مکمل کرنے کی ہدایت کی ہے۔کمیٹی کا اجلاس چیئرمین نور عالم خان کی زیر صدارت پارلیمنٹ ہائوس میں ہوا۔اجلاس میں کمیٹی اراکین کے علاوہ سیکرٹری آبی وسائل، چیئرمین واپڈا اور آڈٹ حکام نے شرکت کی اجلاس کے دوران چیرمین کمیٹی کے استفسار پر آڈٹ حکام نے بتایا کہ سپریم کورٹ کی جانب سے ابھی تک دیامر بھاشاو مہمند ڈیم کیلئے جمع کئے جانے والے فنڈز کی تفصیلات فراہم نہیں کی گئی جس پر چیئرمین کمیٹی نے کہاکہ رجسٹرار سپریم کورٹ آئین کی خلاف ورزی نہ کریں اور پی اے سی کے احکامات پر عمل درآمد یقینی بنائیں انہوں نے پی اے سی سیکرٹریٹ کو ہدایت کی کہ اس معاملے پر رجسٹرار سپریم کورٹ کو خط لکھیں اور اس میں تمام رولز کا حوالہ دیں جس کے تحت پی اے سی کسی بھی معاملے کی تفصیلات طلب کر سکتی ہے۔

موضوعات:ثاقب نثار