دمشق(این این آئی )ہالی ووڈ سٹار انجلینا جولی کی شادی کی خبر عرب اداکار سلیمان رزق سے ہونے کی خبر سوشل میڈیا پر مقبول ترین خبروں میں شامل ہو گئی۔

میڈیارپورٹس کے مطابق چند گھنٹے میں ہی یہ خبر انٹرنٹ کے سرچ انجنوں میں ٹاپ پر آ گئی۔ انجلینا جولی اور سلیمان رزق سے شادی کے ہیش ٹیگ سر فہرست ہو گئے۔یہ کسی نامعلوم جانب سے پھیلائی گئی تھی ہنگامہ خیزی تھی تاہم درحقیقت یہ سب بے بنیاد تھا۔خیال رہے کچھ عرصہ قبل شامی اداکار سلیمان رزق نے اس وقت سنسنی پیدا کر دی تھی جب انہوں نے کہا تھا کہ عالمی شہرت یافتہ اداکارہ انجلینا جولی سے شادی کرنا چاہتے ہیں۔ اپنی فیس بک پوسٹ میں 20 سالہ اداکار نے کہا وہ اپنی درخواست کے بارے میں مذاق نہیں کر رہے۔انہوں نے اس حوالے سے ہونے والی ہنگامہ آرائی پر بھی تنقید کی اور زور دیا تھا کہ ان نکات سے زیادہ اہم تکنیکی معاملات ہیں اور ان پر روشنی ڈالنے کے لیے سب کو کام کرنا چاہیے۔واضح رہے سلیمان شامی ہدایت کار یوسف رزق اور ان کی سابق اہلیہ شامی فنکار امانہ والی کے بیٹے ہیں۔