اسلام آباد (این این آئی)گلگت بلتستان سپریم ایپلیٹ کورٹ کے سابق چیف جج رانا شمیم نے توہین عدالت کیس میں نیا معافی نامہ داخل کرا دیا ہے،نئے معافی نامے میں بیان حلفی میں درج الفاظ واپس لے لیے ہیں،رانا شمیم اس سے پہلے بھی اسلام آباد ہائیکورٹ میں ایک معافی نامہ جمع کرا چکے ہیں جسے تسلیم نہیں کیا گیا تھا۔رانا شمیم نے نئے معافی نامے میں بیان حلفی میں درج الفاظ واپس لے لیے ہیں۔سابق چیف جج رانا شمیم نے کہا کہ اپنے غلط اور غیر ضروری بیان حلفی پر غیر مشروط معافی مانگتا ہوں، بیان حلفی میں غلطی سے ہائیکورٹ کے جج کا نام شامل ہو گیا تھا۔رانا شمیم نے کہا کہ اپنی اس سنگین غلطی پر معافی کا طلبگار ہوں، 10نومبر 2021کے بیان حلفی میں جج کا نام غلط فہمی کی وجہ سے شامل ہوا،میں اپنے بیان حلفی کے متن کو واپس لیتا ہوں۔