لاہور (یواین پی، این این آئی) پاکستان کے وکٹ کیپر بلے باز کامران اکمل نے کہا ہے کہ عمران خان کی خواہش پر پاکستان میں کرکٹ کو تباہ کردیا گیا ہے۔ عمران خان 92 کے بعد کسی گرانڈ میں نہیں گئے ۔ نجی ٹی وی کے پروگرام میں گفتگو کرتے کامران اکمل نے کہا کہ 40، 45 سال

سے جو سسٹم چل رہا تھا صرف ایک بندے کی خواہش پر نیا سسٹم لایا گیا جس سے پاکستان میں کرکٹ ختم ہوگئی ۔ڈومیسٹک کرکٹ تباہ ہوگئی ۔ نئے نظام سے نئے کھلاڑی ہی نہیں آ رہے ۔ کامران اکمل کا کہنا تھا کہ عمران خان سے کوئی پوچھ سکتا ہے کہ وہ 1992 کے بعد کسی گراونڈ میں نہیں گئے ۔ ان کے فیصلے سے ملک میں نئے کھلاڑی نہیں آرہے ۔ نئے سسٹم سے دو سے تین کھلاڑی مجھے نکال کر دکھادیں۔دوسری جانب قومی کرکٹ ٹیم کے سابق کپتان انضمام الحق نے کہا ہے کہ ٹیم میں تبدیلیوں کی ضرورت ہے، شعیب ملک، شرجیل خان اور شان مسعود کو موقع دینا چاہیے۔تقریب کے دوران میڈیا سے گفتگو کرتے ہوئے انضمام الحق نے کہا کہ ایشیا کپ میں ٹیم کی مجموعی پرفارمنس اچھی نہیں تھی۔انہوں نے کہا کہ ایونٹ میں ہمارے مڈل آرڈر نے پرفارم نہیں کیا، مڈل آرڈر میں تبدیلی کی ضرورت ہے۔انہوںنے کہاکہ آسٹریلیا میں مختلف پچز ہوتی ہیں، میرے خیال میں سلیکٹرز تبدیلی کریں گے، شان مسعود، شرجیل خان اور شعیب ملک کو موقع ملنا چاہیے۔انضمام الحق نے کہا کہ ایشیا کپ میں بینچ پر حیدر علی بیٹھا تھا، ان کو آزمانا چاہیے تھا، جو کھلاڑی پرفارم نہیں کر رہا اس کی جگہ دوسروں کو ملی چاہیے۔سابق کپتان نے قومی ٹیم کے کپتان کی تعریف کرتے ہوئے کہا کہ بابر اعظم بڑا کھلاڑی ہے، تین چار سال میں پہلی بار ہوا ہے کہ انہوں نے اسکور نہیں کیا۔

موضوعات:کامران اکمل