لاہور(آئی این پی ) ڈیفنس سی میں دو ملزمان نے گن پوائنٹ پر شوہر کے سامنے بیوی کو مبینہ زیادتی کا نشانہ بنا دیا،مقدمہ درج، ملزمان پولیس کی گرفت میں نہ آ سکے۔میڈیا رپورٹس کے مطابق ڈیفنس سی میں گن پوائنٹ پر شوہر کے سامنے بیوی کو اجتماعی زیادتی کا نشانہ بنایا گیا،متاثرہ خاتون کے
شوہر ندیم امانت کی مدعیت میں مقدمہ درج کر لیا گیا،ایف آئی آر کے مطابق باووالا میں دوافراد گھر کی دیوار پھلانگ کر گھر داخل ہوئے۔سفاک درندوں نے اسلحہ کے زور پر میاں بیوی پراسلحہ تان لیا جبکہ ملزمان نے شوہر کے سامنے اسلحہ کے زور پر اس کی بیوی کو اجتماعی جنسی زیادتی کا نشانہ بنایا۔پولیس کا کہنا ہے کہ واردات کا مقدمہ درج کر کے ملزمان کی تلاش جاری ہے۔دوسری جانب کوٹ لکھپت کے علاقے میں چچا بھتیجے کو ایک کروڑ روپے تاوان کے لیے مبینہ طور پر اغوا کرلیا گیا۔لاہور پولیس نے مقدمہ درج کرکے تحقیقات کا آ غاز کردیا۔مدعی مقدمہ کے مطابق اس کے بڑے بھائی زبیر اور چچا شوکت کو اغوا کرلیا گیا۔وقوعہ کے روز چچا شوکت اور بھائی زبیر رشتہ داروں کی شادی پر جانے کے لیے کہہ کر گئے تھے اورآ ج تک واپس نہیں آ ئے ،اس دوران ہمیں نا معلوم شخص نے کال کی کہ آپ کے چچا اور بھائی کو اغوا کرلیا گیاہے ،آپ ایک کروڑ روپے کا بندوست کرو ورنہ انکو قتل کردیا جائے اور فون بند ہوگیا۔میرے بھائی اور چچا کو تاوان کے لیے اغوا کیا گیا ہے فوری بازیاب کروایا جائے۔
