لاہور(این این آئی) پنجاب حکومت نے 25 مئی کو لانگ مارچ میں تشدد کے واقعات پر جوڈیشل انکوائری کروانے کا فیصلہ کرلیا،تحریک انصاف کے لانگ مارچ پر پولیس تشدد کی جوڈیشل انکوائری کروائی جائے گی۔وزیر داخلہ پنجاب ہاشم ڈوگر نے کہا کہ جوڈیشل انکوائری کیلئے درخواست کرنے جارہے ہیں ، وزیراعلی پرویز الٰہی سے درخواست کی ہے ، وہ آئندہ چوبیس میں جوڈیشل انکوائری کے لیے لکھ دیں گے۔ہاشم ڈوگر نے کہا کہ ہم نہیں چاہتے کہ کسی پولیس والے کے ساتھ زیادتی ہو، پولیس آفیسرز جوڈیشل انکوائری میں بتادیں کہ انہیں کس نے تشدد کا حکم دیا۔