لاہور( آن لائن ) پاکستان تحریک انصاف کے رہنما شفقت محمود دل کی تکلیف کے باعث نجی اسپتال میں داخل ہو گئے۔خاندانی ذرائع نے بتایا کہ گزشتہ روز دل کی تکلیف کے باعث شفقت محمود کو نجی ہسپتال چیک اپ کے لئے لائے تھے جہاں پر خون کے مختلف ٹیسٹ کئے گئے ،ڈاکٹروں نے انجیوگرافی کرنے کا کہا ہے ،یاد رہے کہ شفقت محمود نے رواں برس جون میں پاکستان تحریک انصاف پنجاب کی صدارت سے بھی صحت کے مسائل کے باعث استعفیٰ دے دیا تھا۔شفقت محمود عمران خان کے دور میں وفاقی وزیر برائے تعلیم اور پروفیشنل ٹریننگ بھی رہ چکے ہیں ۔