اسلام آباد (این این آئی)پاکستان تحریک انصاف کے چیئرمین اور سابق وزیر اعظم عمران خان سے سابق خاتون امریکی سفارتکار رابن رافیل کی ملاقات ہوئی ہے۔ ذرائع کے مطابق عمران خان سے رابن رافیل کی ملاقات بنی گالہ میں ہوئی، ملاقات کے وقت سینیٹر شہزاد وسیم بھی موجود تھے۔رابن رافیل امریکا کی سابق سفارتکار، سی آئی اے تجزیہ کار اور لابئیسٹ ہیں، وہ 1993 میں اسسٹنٹ سیکریٹری آف اسٹیٹ جنوبی و سطی ایشیائی امور تھیں۔ذرائع کا کہنا ہے کہ فواد چوہدری بھی پاکستان میں امریکی سفیر ڈونلڈ بلوم سے ملاقات کر چکے ہیں، فواد چوہدری نے 8 ستمبر کو امریکی سفارت خانہ میں امریکی سفیر سے ملاقات کی تھی۔نجی ٹی وی کے مطابق سینیٹر شہزاد وسیم اور فواد چوہدری کا مقف لینے کی کوشش بھی کی گئی مگر رابطہ نہیں ہو سکا۔