اسلام آباد (مانیٹرنگ ڈیسک/این این آئی ) قومی ٹیم کے سابق کپتان شاہد آفریدی نے کہا ہے کہ آج فائنل میچ میں پاکستانی ٹیم کیلئے کسی قسم کی غلطی کی کوئی گنجائش نہیں ، گزشتہ میچ قومی ٹیم کیلئے ویک اپ کال تھی ۔ سابق آل رائونڈر کا کہنا تھا کہ آج بابر اور فخر زمان بہترین رزلٹ دے گے

اور پاکستان فائنل بھی جیتے گا ، فخر زمان کی اننگ میچ میں بہت فرق ڈالتی ہے ۔ قبل ازیں سابق اسٹار آل راؤنڈر شاہد آفریدی نے ایشیا کپ 2022 میں چھوٹی بیٹی کے بھارتی پرچم لہرانے کی تصدیق کر دی۔تفصیلات کے مطابق سابق کپتان کی بیٹی کو  4 ستمبر  کے روز ایشیا کپ کے سپر فور مرحلے کے دوران  پاکستان اور بھارت کے درمیان ہونے والے میچ میں بھارتی پرچم لہراتے ہوئے دیکھا گیا تھا، اس مقابلے میں پاکستان نے روایتی حریف بھارت کو شکست دی تھی۔اس حوالے سے ایک انٹرویومیں شاہد آفریدی سے ان کی چھوٹی بیٹی  کے  بھارتی پرچم لہرانے کے بارے میں پوچھا گیا تو انہوں نے نے ہنستے ہوئے اس بات کی تصدیق کی اور بتایاکہ اسٹیڈیم میں پاکستان کے  جھنڈے دستیاب نہیں تھے، اس لیے ان کی بیٹی نے بھارت کا جھنڈا لیا اور اسے لہرانا شروع کردیا۔شاہد آفریدی کے مطابق ان کی اہلیہ نے انہیں بتایا کہ دبئی انٹرنیشنل کرکٹ اسٹیڈیم میں پاکستانی تماشائیوں کا ہجوم صرف 10 فیصد تھا جبکہ اہلیہ  لائیو کرکٹ  دیکھنے کے لیے وہاں موجود تھیں۔انہوں نے کہا کہ  چھوٹی بیٹی کی بھارتی پرچم لہرانے کی ویڈیو موصول ہوئی لیکن  تذبذب کا شکار تھا کہ اسے شیئر کرناچاہیے یا نہیں۔