متحدہ عرب امارات کی جانب سے 50ملین ڈالر کی پہلی کھیپ پاکستان پہنچ گئی
اسلام آباد (این این آئی) برادر ملک متحدہ عرب امارات کی جانب سے 50ملین ڈالرکی پہلی کھیپ پاکستان پہنچ گئی۔
تفصیلات کے مطابق وزیراعظم شہباز شریف نے ٹوئٹر پر اپنے پیغام میں کہا کہ برادر ملک یو اے ای کی جانب سے 50ملین ڈالرکی پہلی کھیپ پاکستان پہنچ گئی۔
وزیراعظم نے بتایا کہ یو اے ای کے صدر شیخ محمد بن زید النہیان سے فون پر بات ہوئی ہے اور انہوں نے سیلاب متاثرین کی مدد جاری رکھنے کی یقین دہانی کرائی ہے ۔
وزیراعظم نے ایک اور ٹوئٹ میں کہاکہ یو اے ای کے صدر کی دعوت پر 3ستمبر کو یو اے ای کادورہ کرنا تھا
لیکن یو اے ای کے صدر کیساتھ مشترکہ طورپردورے کو منسوخ کرنے کا فیصلہ کیا۔انہوں نے کہا کہ یو اے ای دورہ منسوخ کیاکہ
سیلاب متاثرین کے ریسکیو،بحالی پر توجہ دے سکوں، اس چیلنج کے دوران ہمارے ساتھ کھڑے ہونے پر ہمیشہ یو اے ای کے مقروض رہیں گے۔
