اسلام آباد (آن لائن )تر جمان پی ڈی ایم حافظ حمداللہ نے سابق وزیر اعظم عمران خان کو مخاطب کرتے ہوئے کہا ہے کہ پی ڈی ایم شروع دن سے کہہ رہی ہے تم دشمن کے لئے نہیں ملک اور قوم کے لئے خطرناک ہو۔عمران خان کے بیان پر تر جمان پی ڈی ایم نے ردعمل دیتے ہوئے کہا ہے کہ عمران خان اقتدار کی ہوس میں باولا ہو چکا ہے اس لئے خطرناک ہوگیا ہے، خان صاحب خطرناک انسان نہیں جانور ہوتا ہے۔تم خطرناک نہیں بلکہ ہر روز ایک خطرناک گھڑے کی طرف بڑھ رہے ہو۔حافظ حمد اللہ نے کہا خان صاحب تم جس کے لئے خطرہ ہو اس کا نام کیوں نہیں بتاتے؟، عمران خان کو جب تک حفاظتی ٹیکے نہیں لگتے وہ پاکستان کی سیاست کے لئے ناسور جیسی خطرناک بیماری رہیں گے۔