کراچی(این این آئی)سابق صوبائی وزیر اور پاکستان پیپلز پارٹی (پی پی پی) کے سینیئر رہنما منظور وسان کو سیلاب میں ڈوبے سندھ کے علاقوں کی اٹلی کے شہر ’وینس‘ سے تشبیہ دینے پر انہیں سخت تنقید کا نشانہ بنایا گیا۔منظور وسان نے چند دن قبل

اپنے آبائی ضلع خیرپور کے سیلاب میں ڈوبے علاقوں کو ’وینس‘ جیسا قرار دیا تھا، جس کی ویڈیو سوشل میڈیا پر وائرل ہوگئی۔منظور وسان نے کشتی پر سوار ہوکر صحافیوں کو سیلاب میں ڈوبے علاقوں کا دورہ کرواتے وقت ڈوبے مقامات کو ’وینس‘ جیسا قرار دیتے ہوئے کہا تھا کہ پانی میں ڈوبے علاقے خوبصورت نظارا پیش کر رہے ہیں۔منظور وسان کی مختصر ویڈیو وائرل ہونے کے بعد سیلاب میں ڈوبے علاقوں کو خوبصورت شہر وینس سے تشبیہ دیے جانے پر لوگوں نیانہیں تنقید کا نشانہ بنایا۔لوگوں نے ان کی ویڈیو کلپ کو شیئر اور ری ٹوئٹ کرتے ہوئے انہیں شرمسار کیا اور لکھا کہ انہیں سیلاب میں ڈوبے سندھ کے علاقوں میں وینس جیسی خوبصورتی تو نظر آ رہی ہے مگر انہیں اسی سیلاب میں ڈوبتے لوگ دکھائی نہیں دے رہے۔بعض لوگوں نے انہیں سخت تنقید کا نشانہ بناتے ہوئے ان کی ذہنیت پر بھی بات کی اور لکھا کہ انہوں نے حد کردی۔کئی لوگوں نے انہیں تنقید کا نشانہ بناتے ہوئے لکھا کہ ان کا تعلق پیپلز پارٹی نامی ایک ایسی جماعت سے تعلق ہے، جن کے رہنما صرف فوٹو سیشن کروانا جانتے ہیں مگر ڈوبتے لوگوں کی مدد نہیں کرتے۔کچھ صارفین نے لکھا کہ منظور وسان کو سیلاب میں ڈوبے سندھ کے علاقوں کو وینس جیسا قرار دینے پر شرم آنی چاہیے۔

موضوعات:منظور وسان