نوشہرہ (این این آئی)سابق وزیر دفاع اور پاکستان تحریک انصاف کے سینئر رہنما پرویز خٹک نے کہا ہے کہ عمران خان نے امریکا کو اڈا دینے سے انکار کیا تو حکومت گرادی گئی۔نوشہرہ کے علاقے رشکئی میں جلسے سے خطاب میں پرویز خٹک نے کہا کہ عمران خان نے امریکا کو اڈا دینے سے انکار کیا تو حکومت گرادی گئی۔انہوں نے کہا کہ یہ حکمران بری طرح ناکام ہوچکے ہیں، حکومت اپنی کمزوریوں اور کوتاہیوں کو چھپانے کی خاطر روزانہ نیا شوشہ چھوڑتی ہے۔پرویز خٹک نے کہا کہ جلد کرپٹ وفاقی حکومت سے پاکستانی قوم کو نجات ملے گی۔انہوں نے کہاکہ عمران خان امریکا سمیت تمام ممالک کے ساتھ برابری کی بنیاد پر بہتر تعلقات چاہتے ہیں۔