عمان کا اسرائیل کے لیے فضائی حدود کھولنے سے انکار

مسقط (این این آئی)عبرانی میڈیا نے کہا ہے سلطنت عمان نے اپنی فضائی حدود سے اسرائیلی ہوائی جہازوں کو عبور کرنے کی اجازت دینے سے انکار کر دیا ہے۔

اسرائیل کے اخبار کے مطابق سلطنت عمان نے اسرائیلی پروازوں کو اپنی فضائی حدود سے گزرنے کی اجازت دینے سے انکار کر دیا۔

اخبار نے مزید کہا کہ اس معاملے کا اب تک مطلب یہ ہے کہ مشرق بعید تک پرواز کا فاصلہ کم کرنے کے لیے اسرائیلی طیاروں کے لیے سعودی فضائی حدود کھولنے سے فائدہ اٹھانا ممکن نہیں ہے۔

قابل ذکر ہے کہ مملکت سعودی عرب نے گذشتہ جولائی میں اعلان کیا تھا کہ اس نے مملکت کی فضائی حدود کو اسرائیلی مسافر بردار جہازوں کے لیے کھولنے کا فیصلہ کیا ہے۔

موضوعات:فضائی حدود