اسلام آباد(این این آئی)سیکرٹری اطلاعات پیپلزپارٹی فیصل کریم کنڈی نے کہاہے کہ یوٹرن خان شہباز گل کو قربانی کا بکرا بنانا چاہتے ہیں۔ اپنے بیان میں فیصل کریم کنڈی نے کہاکہ شہباز گل نے وہ ہی کچھ کہا جو عمران خان تقاریر میں کہتے ہیں۔ انہوں نے عمران خان سے سوال کیاکہ پاکستان پر ایٹم بم گرانے کی بات کس نے کی تھی۔ انہوںنے کہاکہ ممنوعہ فارن فنڈنگ نے عمران خان کو اندھا کردیا ہے، غیر ملکی تمہارے ماموں کے پتر نہیں تھے جو فنڈنگ کرتے رہے ۔ فیصل کریم کنڈی نے کہاکہ غیر ملکیوں نے پاکستان کو کمزور کرنے کیلئے عمران خان کی فنڈنگ کی ،ضمنی انتخابات میں فنڈنگ پرست کا مقابلہ وطن پرست کرینگے ۔