کراچی(این این آئی)کراچی کے علاقے اسٹیل ٹائون میں دو نامعلوم نوجوانوں لڑکی کی لاش اسپتال چھوڑ گئے۔پولیس حکام کے مطابق لڑکی کی شناخت کائنات کے نام سے کی گئی ہے اور ابتدائی طور پر ڈاکٹروں نے وجہ موت ہارٹ اٹیک بتائی ہے۔پولیس حکام کے مطابق اہل خانہ کی جانب سے موت پر شک کا اظہار کیا گیا ہے جس کے بعد لاش کو جناح اسپتال پوسٹ مارٹم کے لیے منتقل کیاگیاہے۔پولیس کے مطابق لڑکی کی بہن نے بیان دیا کہ کائنات کو جسم اور سر میں شدید درد تھا کائنات کے دوست اسے اپنے ہمراہ گاڑی میں لیکر آئے تھے۔