اسلام  آباد (آن لائن)نیپرا نے جون کے ماہانہ  فیول چارجز ایڈجسٹمنٹ کی مد میں 9 روپے 90 پیسے  فی یونٹ اضافے کی منظوری،نوٹیفیکیشن جاری کردیاگیا۔ نوٹیفکیشن کے مطابق سی پی پی اے  نے 9  روپے 91  پیسے  فی یونٹ اضافے کی درخواست کی تھی۔نیپرااتھارٹی نے 28  جولائی  2022  کو ایف سی اے پر عوامی سماعت کی تھی اس سے قبل مئی کا ایف سی اے صارفین سے 7 روپے 91 پیسے چارج کیا گیا تھا،  جو کہ صرف 1 ماہ کے لئے تھا  نیپرا کے مطابق  جون  کا ایف سی اے مئی  کی نسبت 1 روپے 99 پیسے  اگست   میں زیادہ  چارج کیا جائے گا اس کا اطلاق صرف اگست کے ماہ  کے بلوں پر ہوگا اس کا اطلاق ڈسکوز کے تمام صارفین ماسوائے لائف لائن صارفین پر ہوگا  اس  کا اطلاق کے الیکٹرک صارفین پر بھی نہیں ہوگا۔