فیصل آباد(این این آئی) فیصل آباد میں مبینہ طور پر باپ نے غربت سے تنگ آ کر دو بیٹیوں کو قتل کردیا۔ریسکیو ذرائع کے مطابق یہ واقعہ فیصل آباد کے علاقے محمود آباد میں پیش آیا جہاں سنگدل باپ نے اپنی دو نوں بیٹیوں کو موت کے گھاٹ اتار دیا۔ریسکیو ذرائع کے مطابق باپ نے دونوں بیٹیوں کو قتل کرنے کے بعد خود بھی مبینہ طور پرگلے میں پھندا لگاکر خودکشی کرلی۔پولیس کے مطابق باپ کے ہاتھوں قتل ہونے والی لڑکیوں کی عمریں 11 اور 17 سال ہیں، واقعہ کی وجوہات جاننے کیلئے تحقیقات کا آغاز کردیا ہے۔