کراچی(این این آئی)پاکستان مسلم لیگ ن کراچی ڈویژن کے نائب صدرو امیدوار برائے پی ایس128محسن جاوید ڈار نے کہا ہے کہ ہمارے قائد میاں محمد نوازشریف اس ہی سال پاکستان آئیں گے پورا ملک ان کا استقبال کریگا نوازشریف اگلے انتخابات سے قبل

وطن واپس پہنچ جائیں گے اور انتخابات میں بھرپور انداز میں جیت کر چوتھی مرتبہ پاکستان کے وزیراعظم بنیں گے اور ا س ملک وقوم کی تقدیر بدلیں گے، ان خیالات کااظہار انہوں نے ناظم آباد ٹاون اپنی رہائشگاہ پر لیگی عہدیداران ناصر الدین محمود، ظاہر دہلوی، نوشاد اخترو دیگر سے ملاقات کے دوران کیا، محسن جاوید ڈار کا کہنا تھا کہ ممنوعہ فنڈنگ کیس میں عمران خان کا جر م ثابت ہوچکا ہے بس سزا کا تعین کرنا باقی ہے ممنوعہ فنڈنگ عمران خان سے رقم برآمد کی جائے اس لاڈلے کو پوچھتے پوچھتے آٹھ سال ہو گئے ہیں اس معاملے میں حکومت اپنی ذمہ داری ادا کریگی ممنوعہ فنڈنگ کا جرم ثابت ہونے کے بعد عمران خان صادق وامین نہیں رہے لیکن پھر بھی ان کو ہر حال میں صادق و امین بنایا جاتا رہا، فارن فنڈنگ کیس میں جتنے بھی لوگ ملوث ہیں ان کے خلاف بھی کاروائی ہونی چاہیے اور ان کو بھی سزا ملنی چاہیے تحریک انصاف کی نا اہلیوں اور چوریوں کی وجہ سے ملک میں آج مشکلات ہیں ڈالر کی قیمت جو دن بدن بڑہتی جارہی ہے اس کیوجہ عمران خان اور ان کی کابینہ کی نا قص کارکردگی ہے، انہوں نے کہا کہ ڈالر کی شرح کو کم کرنے کے لیئے تمام ضروری اقدامات کیے جارہے ہیں اور اگلے ماہ تک روپیہ ڈالر کے مقابلے میں مستحکم ہوجائیگا قوم کو اچھی اچھی خبریں ملیں گی

الیکشن سے قبل عوام کو ریلیف دینا حکومت کا فرض ہے، انہوں نے کہا کہ وزیراعظم شہباز شریف پاکستان کو درست سمت کی جانب لیکر بڑھ رہے ہیں لیکن جو مسائل ماضی کی حکومتوں نے پیدا کیے ہیں ان کو حل کرنے میں کافی وقت درکار ہے، مشکل ترین حالات کے باوجود وزیراعظم شہباز شریف عوام کو ریلیف فراہم کرنے کے لیئے اقدامات کر رہے ہیں اور بہت جلد عوام کو وزیراعظم کی بہترین پالیسیوں کے ثمرات ملنا شروع ہوجائیں گے۔