ہاتھ سے کھانا کھاتے  شیر کی ویڈیو وائرل

پریٹوریا(این این آئی)بس ڈرائیور کے ہاتھ سے کھانا کھاتے ہوئے شیر کی وائرل ویڈیو نے سوشل میڈیا صارفین کو چونکا دیا ہے۔

میڈیارپورٹس کے مطابق ویڈیو میں ایک بس ڈرائیور کو اپنے ہاتھ سے ایک شیر کو گوشت کا ٹکڑا دیتے ہوئے دیکھا جا سکتا ہے۔

بس ڈرائیور کے ہاتھوں میں گوشت کا ٹکڑا دیکھتے ہی فورا شیر بس کی کھڑکی کی جانب بڑھتا ہے اور اپنے پنجوں سے گوشت کو جھپٹ لیتا ہے۔

یہ ویڈیو پوسٹ سوشل میڈیا پر وائرل ہو گئی ہے اور اسے 10 لاکھ سے زائد لوگ دیکھ چکے ہیں۔

سوشل میڈیاصارفین کی جانب سے اس ویڈیو پر ملا جلا ردِعمل سامنے آ رہا ہے۔جہاں کچھ لوگوں کو یہ ویڈیو کافی خطرناک لگی، وہیں کچھ لوگوں کو یہ ویڈیو کافی دلچسپ بھی محسوس ہوئی۔