اسلام آباد(آن لائن)پی ٹی آئی نے 9 حلقوں کے لیے الیکشن کمیشن کا جاری انتخابی شیڈول کو اسلام آباد ہائی کورٹ میں چیلنج کردیااور انتخابی شیڈول کو معطل کرنے کی استدعا کردی۔پی ٹی آئی وکیل فیصل چوہدری کی جانب سے درخواست دائر کی گئی جس میں موقف اپنایا گیا کہ پی ٹی آئی کے استعفی مرحلہ وار منظوری کے خلاف درخواست زیر التوا ہے،عدالت چار اگست کو درخواست پر سماعت کرکے نوٹس جاری کر چکی ہے الیکشن کمیشن کو نوٹس کا معلوم ہونے کے باوجود شیڈول جاری کردیا ،درخواست میں استدعا کی گئی ہے کہ الیکشن کمیشن کا پانچ اگست کو جاری کردہ شیڈول معطل کیا جائے، پی ٹی آئی کے مرکزی کیس کے فیصلے تک الیکشن کمیشن کا انتخابی شیڈول معطل رکھا جائے۔