شعیب اختر کا مداحوں کو خصوصی پیغام
لاہور( این این آئی)سابق فاسٹ بولر شعیب اختر گھٹنوں کی سرجری کیلئے آسٹریلیا میں موجود ہیں۔
راولپنڈی ایکسپریس نے ویڈیو پیغام میں اپنی سرجری کے حوالے سے مداحوں کو آگاہ کیا۔ایک منٹ کے ویڈیو پیغام میں شعیب اخترکا کہنا تھا کہ دونوں گھٹنوں کی سرجری کے لیے جارہا ہوں۔
مداحوں سے دعائوں کی درخواست کی اپیل کرتا ہوں، اس سے پہلے پانچ سرجریز ہوچکی ہیں، امید ہے کہ یہ آخری سرجری ثابت ہوگی اس تکلیف سے گزرنا ہی ہوگا۔
انہوں نے بتایا کہ سرجری 8 گھنٹوںتک جاری رہے گی جس کے بعد دو سے تین ہفتوں صحتیاب ہونے میں لگیں گے، سابق فاسٹ بولرسرجری کے لیے اس وقت آسٹریلیا میں موجود ہیں۔
