لاہور( این این آئی)یوٹیلیٹی اسٹورز پر متعدد برانڈڈ اشیا ء مہنگی کردی گئیں ، قیمتوں میں اضافے کا فوری طور پر اطلاق ہوگا۔تفصیلات کے مطابق یوٹیلیٹی اسٹورز پر مہنگائی کا طوفان آگیا ہے،

برانڈڈ چائے، دودھ، مصالحہ جات، شہد، ٹوتھ پیسٹ، شیمپو اور دیگر اشیا ء مہنگی کر دی گئیں۔یوٹیلٹی اسٹورز پر 950 گرام برانڈڈ چائے کی قیمت میں 198 روپے تک اضافہ ہوگیا جس کے بعد چائے 697 روپے سے بڑھ کر 895 روپے کی ہوگئی۔دودھ کی قیمت 177 روپے سے بڑھا کر 197 روپے، 260 گرام شہد کے جار کی قیمت میں 310 روپے سے بڑھا کر 425 روپے اور بچوں کے خشک دودھ کی قیمت 1360 روپے سے بڑھا کر 1450 روپے کر دی گئی۔مختلف برانڈز کے شیمپو کی قیمتوں میں بھی 30 روپے تک کا اضافہ کردیا گیا۔یوٹیلیٹی اسٹورز پر مختلف مصالحہ جات کی قیمتوں میں بھی ریکارڈ اضافہ ہوا ہے۔نئی قیمتوں کا اطلاق فوری طور پر ہوگا۔