کیا واقعی عمران خان کا نام ای سی ایل پر ڈال دیا گیا ہے؟

اسلام آباد (این این آئی)وفاقی کابینہ نے سابق وزیراعظم اور پاکستان تحریک انصاف کے سربراہ عمران خان

اور دیگر قیادت کا نام ایگزٹ کنٹرول لسٹ (ای سی ایل) پر ڈالنے کی منظوری نہیں دی۔وزیراعظم شہباز شریف کی زیر صدارت وفاقی کابینہ کا اجلاس ہوا

جس میں پی ٹی آئی ممنوعہ فنڈنگ کیس کے فیصلے کی روشنی میں آئندہ لائحہ عمل پر مشاورت کی گئی۔

ذرائع کے مطابق وزیر قانون اور حکومتی قانونی ٹیم نے کابینہ کو الیکشن کمیشن فیصلے پر بریفنگ دی،

ذرائع کے مطابق اس دوران وزیراعظم کی ہدایت پر سیکرٹری قانون اور سیکرٹری داخلہ کے علاوہ تمام بیوروکریٹس کو اجلاس سے باہر بھیج دیا گیا۔

ذرائع کے مطابق اجلاس میں وفاقی کابینہ نے عمران خان اور دیگر قیادت کا نام ای سی ایل پر ڈالنے کی منظوری نہیں دی۔

کابینہ نے پی ٹی آئی قیادت کے خلاف پولیٹیکل آرڈر 2002 کے تحت کارروائی اور پی ٹی آئی کے خلاف ڈیکلیریشن سپریم کورٹ بھجوانیکا فیصلہ کیا ہے۔