اسلام آباد (آن لائن)وزارت خزانہ نے وضاحت کی ہے کہ حکومت کی جانب سے بجلی کے بلوں پر ٹیکس کا فیصلہ واپس لینے کی خبروں میں کوئی صداقت نہیں تاہم تاجروں اور تاجر برادری سے بات چیت جاری ھے۔فنانس ڈویژن سے جاری وضاحتی بیان میں کہا گیا ہے کہ کچھ میڈیا چینلز کی جانب سے جاری ہونے والی خبروں کے حوالے سے کہ حکومت نے بجلی کے بلوں پر ٹیکس کا فیصلہ واپس لے لیا ہے، واضح کیا جاتا ہے کہ ایسی خبروں میں کوئی صداقت نہیں ہے اور نہ ہی حکومت کی جانب سے ابھی تک کوئی فیصلہ کیا گیا ہے۔ تاہم تاجروں اور تاجر برادری سے بجلی کے بلوں پر ٹیکس کے حوالے سے بات چیت جاری ھے۔