جنرل پاشا نے پارلیمنٹ میں کہا تھا فضل الرحمان کو لیبیا سے فنڈنگ آتی ہے، عمران خان

اسلام آ باد (مانیٹرنگ، آن لائن) نجی ٹی وی چینل کو انٹرویو میں عمران خان نے کہا کہ الیکشن کمیشن حکومت کے ساتھ سازش میں ملوث ہے،

ن لیگ اور پیپلز پارٹی کے فنڈ سامنے کیوں نہیں آ رہے، دونوں جماعتوں نے سیٹھ پالے ہوئے ہیں، جن سے یہ پیسے لیتے ہیں۔

انہوں نے کہا کہ کسی قانون میں نہیں لکھا کہ اوورسیز پاکستانیوں سے فنڈ نہیں لے سکتے، الیکشن کمیشن نے تحریک انصاف

پر احمقانہ الزامات لگائے ہیں۔ان کا کہنا تھا کہ الیکشن کمیشن کا سندھ کا ممبر دو جگہ سے تنخواہ لے رہا ہے اور وہ باقاعدہ سندھ

حکومت کا ملازم ہے۔عمران خان نے کہا کہ کل چیف الیکشن کمشنر کے خلاف پرامن احتجاج کریں گے، ڈی چوک کوئی بھی نہیں جائیگا،

پارٹی کے کچھ رہنما اور وکلا الیکشن کمیشن کے دفتر جائیں گے۔ان کا کہنا تھا کہ ہم الیکشن کمشنر کے خلاف سپریم جوڈیشل کونسل

میں جائیں گے،الیکشن کمشنر کی تقرری پر لوگوں نے شور مچایا کہ یہ ن لیگ کے گھر کا بندہ ہے۔چیئرمین پی ٹی آئی نے کہا کہ

شہبازشریف پر کوئی بھی ملک اعتماد نہیں کررہا،اگر پاکستان کو دلدل سے نکالناہے تو فوری انتخابات کرائے جائیں۔

عمران خان کا کہنا تھا کہ جنرل پاشا نے پارلیمنٹ میں کہا تھا فضل الرحمان کو لیبیا سے فنڈنگ آتی ہے۔